Around GMA

Article Inside Page

Proud si Kapuso Primetime Princess Barbie Forteza sa kaniyang pinakabagong milestone sa pagtakbo: ang matapos ang kauna-unahan niyang 16 km race.

Nitong Linggo, May 11, ay nakitakbo ang Beauty Empire star, kasama ang ilan pang celebrities, sa charity fun run event ng Movie Workers Welfare Foundation Inc. (MOWELFUND) at ng Myriad Corporation na 'Lights, Camera, Run! Takbo Para sa Pelikulang Pilipino.'

Sa Instagram post ni Barbie, ipinahayag niya kung gaano siya kasaya na matapos ang kauna-unahan niyang 16km run.

“I DID IT!!! First 16k! Woooh!!! I'm so happy I got to run for the improvement of my beloved industry and help encourage people to support local films,” caption ng aktres sa kaniyang post.

Pagpapatuloy pa ng aktres ay masaya siyang makita ang iba pang artists at participants na lumahok sa fun rin “for the same cause.”

“Now off to [Korea],” pagtatapos ni Barbie sa kaniyang post.

View this post on Instagram

A post shared by Barbie Forteza (@barbaraforteza)

TINGNAN SI BARBIE FORTEZA SA KANIYANG RUNNING ERA SA GALLERY NA ITO:

Bukod kay Barbie, nakitakbo rin sa naturang fun ruin ang kaniyang running buddy at CEO ng Myriad Corporation na si Alden Richards, at si Kapuso singer at actor na si Kristoffer Martin.

Ang naturang charity fun rin ay inorganisa para matulungan mga marginalized Filipino film workers. Lahat ng makukuha mula sa event ay mapupunta sa organisasyon. Dumalo rin doon ang board of directors ng MOWELFUND na sina Mrs. Boots Anson Roa-Rodrigo, Ms. Gina Alajar, Mr. Rez Cortez, at si Kapuso Primetime King Dingdong Dantes.

Present din sina GMA Network Senior Vice President Atty. Annette Gozon-Valdes at Sparkle First Vice President Ms. Joy Marcelo na nagbigay pa ng PhP 100,000 donation sa MOWELFUND.

Samantala, pupunta si Barbie sa Korea ngayon para magtaping ng kanilang pinakabagong serye na Beauty Empire. Makakasama niya dito sina Kyline Alcantara, Sam Concepcion, Ruffa Gutierrez, Gloria Diaz, at marami pang iba.