Around GMA

Article Inside Page

Mas paiinitin ng Family Feud ang Biyernes sa tapatan ng ilan sa mga pinakasikat sa digital world.

Tampok sa "Summer Tawa, Summer Saya" episode ngayong April 17 ang showdown ng Sizzle Sisters at The Heart-Stoppers.

Sasalang sa The Sizzle Sisters ang multi-talented actress at host na lumaki sa Riyadh na si Pamela Kaye Vedonia. Kasama rin niya ang TikTok sensation na may creative eye for design na si Angela Julia Balagtas. Kukumpleto sa grupo sina Asia Yoona, isang flag-football enthusiast at certified foodie, at si Sofia Jahrling, isang versatile creator na may passion sa arts at fitness.

PHOTO SOURCE: Family Feud

Haharap sa kanila ang The Heart-Stoppers sa pangunguna ng Mister Cosmopolitan 2023 runner-up at certified dog lover mula Nueva Ecija na si Ivan Ignacio. Kasama rin niya ang aktor at ethical pet breeder na si Redd Arcega, pati ang student-athlete at MotoGP fan na si Cristan Sempio. Kabilang din sa lineup si Charlie Cook na isang runway pro at outdoor adventurer.

Tutukan ang tapatan ng The Sizzle Sisters at The Heart-Stoppers sa fresh episode ng Family Feud ngayong April 15, 5:35 p.m. sa GMA at sa Kapuso Stream.

Tuloy pa rin ang mas pinalawak na “Guess More, Win More” promo ng Family Feud! Network-wide na ang bigayan ng papremyo dahil kasali na rin sa "Guess More, Win More" ang GMA Afternoon Prime at GMA Prime programs na Born to Shine, House of Lies, Apoy sa Dugo, Fast Talk with Boy Abunda, The Sweetest Taboo, Encantadia Chronicles: Sang'gre at Never Say Die.