Around GMA

Article Inside Page

Isang espesyal na kwintas ang idinagdag ni Kapuso actress Carla Abellana sa kanyang koleksyon.

Laman kasi ng simpleng kwintas na ito ang isang piraso ng green bones ng yumao niyang lola at legendary Filipino actress na si Delia Razon.

Ibinahagi ni Carla ang ilang selfie niya habang suot ang kwintas na may heart-shaped pendant na gawa sa resin kung saan ipinaloob ang maliit na piraso ng buto ng kanyang lola.

"Back to work! Forever with Mamang now. These are her green bones. 🤍," sulat niya sa caption ng kanyang post.

View this post on Instagram

A post shared by Carla Abellana (@carlaangeline)

Ang green bones na natatagpuan pagkatapos ng cremation ay pinaniniwalaang sign na mabuti ang kalooban ng yumao noong nabubuhay pa ito.

Pinipili ng iba na ilagay ang piraso ng mga butong ito sa alahas o iba pang display items dahil pinaniniwalaang nagdadala ito ng swerte sa mga naiwang miyembro ng pamilya.

Bago pumanaw si Delia, ibinahagi ni Carla Abellana na regular silang bumibisita sa kanyang maternal grandmother pero hindi nila ito ginagawa nang madalas bilang pag-iingat sa kalusugan nito.

"Bihira na lang. Siguro once a month nakikita namin siya kasi siyempre mas mahina na siya, prone to illnesses. Nag-iingat din kami na mag-visit sa kaniya," kuwento ni Carla.

Si Delia Razon o Lucy May G. Reyes sa totoong buhay, ay pumanaw noong March 15 sa edad na 94.

Isa siya sa kinikilalang top actresses ng LVN Pictures at pinakamagagandang mukha sa Philippine showbiz noong 1950s.