Around GMA

Article Inside Page

Ipinakilala na ang star-studded cast ng pinakabagong handog ng Kapuso Network na medical drama series na Code Gray sa naganap na story conference noong Martes, April 21.

Pagbibidahan nina Asia's Multimedia Star Alden Richards, Christopher de Leon, Romnick Sarmenta, Andrea Torres, Faith Da Silva, Shuvee Etrata, Allen Ansay, Joross Gamboa, Christian Bautista, Kristoffer Martin, at Jon Lucas ang serye.

Ayon sa report ni Nelson Canlas para sa 24 Oras noong Martes, April 21, ibinahagi ng cast ang kanilang excitement para sa mga karakter at sa kabuuan ng proyekto, na tatalakay sa buhay ng isang doktor at iba pang malalalim na aspeto ng buhay.

“Sobrang excited po. Especially working with Kuya Alden. So, it's a dream come true, and we're just very excited to work with the cast and, of course, the prod,” sabi ni Shuvee.

Dagdag pa ng aktres, “It is a role na gustong-gusto ko talaga gawin kasi I have always wanted to become a doctor. So, ngayon, as a nurse.”

Samantala, si Allen, na gaganap bilang kapatid ni Alden sa serye, ay todo-effort na rin sa paghahanda para sa kanyang role.

“Nabasa ko ngayon 'yung character ko pala is kabaligtad ni Kuya Alden. Kapatid niya ako na medyo [magbibigay] ng problema sa kanya, so magiging ready tayo dyan kasi kabaligtaran din talaga ng personality ko,” pahayag niya.

Hindi rin napigilan ni Christopher na ibahagi na kahit dati na siyang gumanap bilang doktor, kakaiba pa rin ang kanyang karakter sa seryeng ito.

“Yes, but this one is different. Entirely different. Parang ano e, medyo may pagka-Doctor Jekyll and Mr. Hyde. I think,” paliwanag ng beteranong aktor.

Abangan ang kapana-panabik na upcoming medical drama series na Code Gray ngayong 2026 sa GMA!

Panoorin ang buong panayam dito:

Video courtesy of 24 Oras

RELATED GALLERY: Cast ng upcoming GMA medical drama series na 'Code Gray,' ipinakilala na