Cheska Fausto, ibinunyag ang sikreto ng maiinit na eksena with Luis Hontiveros
Around GMA
Around GMA
Castro on Sara Duterte 'bloodied' remark: She wants bloodbath Purok official burned to death in GenSan fire Meet the Saranggola SocietyArticle Inside Page
Showbiz News
Ibinunyag ni Cheska Fausto ang sikreto ng maiinit nilang mga eksena ni Luis Hontiveros sa 'Taskforce Firewall.'
Mainit ang mga eksena sa pagitan ng Kapuso stars na sina Cheska Fausto at Luis Hontiveros sa tech-driven action-drama series na Taskforce Firewall.
Gumaganap sila sa serye bilang mga agents ng fictional na Philippine Bureau of Investigation.
Si Cheska bilang Leila--abogado at sharpshooter na nagtatrabaho sa cybercrime division, habang si Luis naman ay si Martin na bahagi ng major crimes divison.
May affair ang kanilang mga karakter na itinatago nila kay Isa (Kylie Padilla), asawa ni Martin at hepe ni Leila sa cybercrime group.
Image Source: gmadrama (Instagram)
Trending ang mga eksena sa pagitan nina Cheska at Luis dahil sa magandang chemistry at tila walang takot nilang pagganap dito.
"I'm so appreciative of Luis kasi siya 'yung unang bumistia sa tent ko. 'Did you read the script,' gumanoon siya. I was like, 'Yeah, I read the script.' Sabi niya, 'Do you want to work it out para at least may chemistry tayo?'" paggunita ni Cheska sa isang exclusive interview ng GMANetwork.com.
"Kami ni Luis, we take pride with our craft. Kung makikita niyo 'yung final result parang madali lang 'yan gawin, naghahalikan. But it's really not kasi if you have the block--'yung parang hindi maganda 'yung chemistry niyo off cam--magta-translate talaga 'yun," pagpapatuloy ng aktres.
Sinikap daw nilang mag-build ng rapport sa isa't isa dahil maramirami din ang intimate scenes nila sa serye.
"What Luis and I did is we really got to know each other. We talked. Shinare namin 'yung mga experiences namin. We did our own preps and of course prep din namin together. We became friends," paliwanag ni Cheska.
Buti na lang at naisipan nila kaagad gawin ito dahil sexy scene kaagad ang unang nilang kinunang eksena ni Luis.
"Actually 'yung bed scene na pinalabas (sa episode 18), that was our first ever scene together. First ever scene namin 'yun together tapos ganyan ka-extreme. What really helped was talking to each other and taking pride in our craft and making sure na everything has to be professional," lahad niya.
Patuloy na panoorin si Cheska Fausto sa Taskforce Firewall, Lunes hanggang Biyernes, 8:50 p.m. sa GMA Prime. Naka-simulcast ito sa GMA-7, Heart of Asia, at I Heart Movies.
May second telecast din ito sa GTV tuwing 10:30 p.m. at mapapanood din GMA Play.
I-download ang GMA Play sa Apple App Store at Google Play. Available din ito sa GMANetwork.com/GMAPlay at sa mga Android TV.
