Cheska Fausto, may pangako sa mga nanggigigil sa role niya sa 'Taskforce Firewall'
Around GMA
Around GMA
Senate impeachment court asked to summon OVP's Zuleika Lopez, NBI's Matibag P6M marijuana plants burned in Agusan del Sur 'Solo Leveling: Beyond The System' anime film officially announced, now in productionArticle Inside Page
Showbiz News
May pangako si Cheska Fausto sa mga manonood na nanggigigil sa kanyang karakter sa 'Taskforce Firewall.'
Agaw-pansin ang karakter ni Kapuso actress Cheska Fausto sa tech-driven action-drama series na Taskforce Firewall.
Gumaganap siya rito bilang Leila, isang abogado at sharpshooter na nagtatrabaho sa cybercrime division ng kapulisan.
Pinanggigigilan siya ngayon dahil si Leila ang third party sa strained na relationship ng mag-asawang Isa (Kylie Padilla) at Martin (Luis Hontiveros).
Sanay raw si Cheska na gumanap bilang kontrabida pero this time, may mixed feelings daw siya tungkol dito.
"I'm happy because nade-deliver ko 'yung pagka kontrabida, kinaiinisan. But also, I feel a little bit sad because na realize ko that a lot of people really like the character," pahayag ng aktres sa isang exclusive interview ng GMANetwork.com.
Marami raw sa mga manonood ang nanghihinayang sa husay at talino ng karakter.
"They keep saying sa mga feedback nila na bias ko si Leila Aragon, bakit ginawa pa siyang kabit. Bakit siya 'yung kabit ni Martin, sana hindi na lang kasi baddie na siya. Slay na siya kumbaga, she didn't need to stoop down pa. That made me feel a bit sad because I can see why they like Leila, why they love the character," lahad ni Cheska.
Hindi direktang sinagot ng aktres kung magkakaroon ba ng "redemption arc" ang kanyang karakter.
Gayunpaman, ipinangako niyang mas maliliwanagan ang lahat sa susunod pang mga episodes ng Taskforce Firewall.
"Ito lang 'yung masasabi ko sa lahat ng mga fans, sa lahat ng mga bias si Leila Aragon--just keep going. Things are gonna get better, trust me. Basta manood lang kayo, lahat 'yan masasagot," aniya.
"Slay pa rin siya, that's for sure," dagdag ng aktres.
Patuloy na panoorin si Cheska Fausto sa Taskforce Firewall, Lunes hanggang Biyernes, 8:50 p.m. sa GMA Prime. Naka-simulcast ito sa GMA-7, Heart of Asia, at I Heart Movies.
May second telecast din ito sa GTV tuwing 10:30 p.m. at mapapanood din GMA Play.
I-download ang GMA Play sa Apple App Store at Google Play. Available din ito sa GMANetwork.com/GMAPlay at sa mga Android TV.
MAS KILALANIN PA SI CHESKA FAUSTO SA GALLERY NA ITO:
