Around GMA

Article Inside Page

Trending ang catfight ng Kapuso stars na sina Kylie Padilla at Cheska Fausto sa tech-driven action-drama series na Taskforce Firewall.

Gumaganap si Kylie bilang Isa, ang hepe ng cybercrime division at si Cheska naman ay si Leila, abogado at miyembro ng team sa ilalim niya.

May affair si Leila sa asawa ni Isa at nang magkaalaman na, nagkaroon ng physical confrontation ang dalawa sa gitna ng isang raid.

Nagsilbing co-writer ng nasabing eksena si Kylie.

Agad namang nag-viral ang kanilang catfight na umani ng mahigit five million views sa loob ng kalahating araw.

Kahit na mahirap at nakakapagod ang eksena, nagpasalamat si Cheska kay Kylie.

"To my main @kylienicolepadilla working with you never feels like work. Thank you for always being so genuine, supportive, and for making every scene so much fun. You're one of the people I look up to, not just because you're an amazing actress, but because of the kind of person you are. So proud of you always. Alabyouuu!! 🥹❤️," sulat niya sa Instagram kung saan nagbahagi siya ng ilang behind-the-scenes photos nila habang kinukunan ang eksena.

View this post on Instagram

A post shared by Cheska Fausto (@thatscheskaaa)

Sa kasalukuyang takbo ng kuwento, may tension pa rin sa pagitan nina Isa at Leila kahit na patuloy silang nagtatrabaho sa parehong team.

Sinusubukan naman ng asawa ni Isa na si Martin (Luis Hontiveros) na makipagayos sa kanya.

Patuloy na panoorin Taskforce Firewall, Lunes hanggang Biyernes, 8:50 p.m. sa GMA Prime. Naka-simulcast ito sa GMA-7, Heart of Asia, at I Heart Movies.

May second telecast din ito sa GTV tuwing 10:30 p.m. at mapapanood din GMA Play.

I-download ang GMA Play sa Apple App Store at Google Play. Available din ito sa GMANetwork.com/GMAPlay at sa mga Android TV.