Chito Miranda, pinuri ang SB19 kasama ang kapwa 'The Voice Generations' coach na si Stell
Around GMA
Around GMA
10,000 cops deployed in C. Visayas to secure Christmas celebration Luis Pablo is finally home — and a champion: ‘Feels good to win it with La Salle’ Straight from the Expert: Lechon after the celebration (Part 2)Article Inside Page
Showbiz News
Chito Miranda sa SB19: “Hindi lang sila magaling na performers...magaling sila na artists.”
“Sobrang galing talaga nila,” ito lang ang masasabi ng Parokya Ni Edgar frontman na si Chito Miranda para sa P-pop boy group na kinabibilangan ng kaniyang kapwa The Voice Generations coach na si Stell Ajero ng SB19.
Sa Instagram, ibinahagi ni Chito ang larawan nila ni Stell kasama pa ang co-coach nila na si Billy Crawford habang sila ay nasa rehearsals ng The Voice Generations.
Sa nasabing post, ikinuwento ni Chito ang pangungulit nila ni Billy kay Stell.
Aniya, “Rehearsals kami today for The Voice Generations, so kinukulit namin ni Billy si Kuya Stell kung ano ba ang maipapayo nya sa amin. Pero honestly, kinukulit lang namin si Stell tungkol sa SB19.”
Ayon kay Chito, nito niya lamang nalaman na ang mismong SB19 ang sumusulat ng kanilang mga kanta at siya ring nag-iisip ng creative executions ng ka nilang musika.
“I just found out that they write their own songs, and they work closely with their producers and musical arrangers...which was a mind-blowing kasi akala ko meron silang team to handle the creative stuff for them,” saad ng Pinoy rockstar.
Dagdag pa niya, talagang napabilib siya sa kakayahan ng nasabing P-pop group pagdating sa kanilang artistry.
“Ganun kasi yung mga napapanood ko na documentaries re boybands and Kpop groups...so it was refreshing for me (and sobrang nakakabilib) nung nalaman ko na sila pala talaga lahat,” ani Chito.
“Wala lang...nakaka-inis lang kasi sobrang galing talaga nila. Hindi lang sila magaling na performers...magaling sila na artists,” papuri pa ni Chito.
Biro pa niya, “Anyways...sabi pala ni Stell mas magaling daw sya kay Pablo.”
Sa nasabing post, agad naman na nagkomento si Stell. Aniya, “Coach chito parang may mali! HAHAHAHAHAHA.”
Sagot naman ni Chito sa comments section, “O heads up lang sa mga sobrang seryoso jan ha? Joke lang po 'yun. Stell had nothing but praises for Pablo (kaya nga tinanong ko kung sino si Pablo eh). Sabi ni Stell si Pablo daw yung parang leader nila pero ayaw daw ni Pablo na tinatawag syang leader haha! Tsaka panay puri sya ibang members. O kita nyo naman ha...talagang naki-chismis na ko sa SB19.”
Samantala, mapapanood naman sina Billy, Chito, Stell, at Julie Anne San Jose bilang coaches ng first-ever The Voice Generations sa Asia, malapit na sa GMA.
Ang The Voice Generations ay ang newest spin-off ng pinakalamaking singing competition sa mundo na The Voice - dito ay maaaring sumali ang pamilya o grupo ng mga mahuhusay na singer mula sa iba't ibang henerasyon.
KILALANIN ANG THE VOICE GENERATIONS COACHES SA GALLERY NA ITO:
