Dennis Trillo at Ruru Madrid, first time magkakatrabaho sa telebisyon
Around GMA
Around GMA
No Ebola case in PH, DOH says Gabbi Carballo finishes Miss Eco International journey at Top 21 Gibiling Bag sa Minglanilla, Cebu, Nakamugna og Kahadlok | Balitang BisdakArticle Inside Page
Showbiz News
First time magkakatrabaho sa teleserye nina Dennis Trillo at Ruru Madrid sa 'Hari ng Tondo.'
Isang bagong action-drama series ang niluluto ng GMA Network.
'Yan ang upcoming series na Hari ng Tondo na pagbibidahan nina Kapuso Drama King Dennis Trillo at primetime action hero Ruru Madrid.
Ito ang unang beses na magkakatrabaho ang dalawang aktor sa isang teleserye.
Una na silang naging co-stars sa award-winning film na Green Bones kung saan nakabingwit sila pareho ng mga acting awards.
Hinirang si Dennis bilang Best Actor, habang Best Supporting Actor naman si Ruru sa 50th Metro Manila Film Festival.
"Finally, ngayon sa isang teleserye, mas mahaba, mas maraming oras na magkakasama kami ni Kuya Dennis so I'm very excited," pahayag ni Ruru sa story conference ng Hari ng Tondo kamakailan.
Masaya naman si Dennis sa kanilang reunion project na nakikita niya na magiging isang obra, tulad ng pinagsamahan nilang pelikula noon.
"Minsan lang kami magkatrabaho ni Ruru pero pagka binibigyan kami ng pagkakataon magkatrabaho, talagang sigurado na maganda at saka isang malaking proyekto talaga," lahad niya.
Image Source: gmadrama (Instagram)
Bukod kina Dennis at Ruru, bahagi rin ng serye sina Rocco Nacino, Ryza Cenon, Ysabel Ortega, Elle Ramirez, Arra San Agustin, Victor Neri, Nonie Buencamino, at Isko Moreno.
Si Enzo Williams naman ang magsisilbing direktor ng serye.
Samantala, panoorin ang buong ulat ni Aubrey Carampel para sa 24 Oras sa video sa itaas.
