Around GMA

Article Inside Page

Isang heartwarming at masayang tagpo ang napanood sa Family Feud studio matapos tuparin ni Dingdong Dantes ang matagal nang pangarap ng kanyang avid fan na si Lola Tessie.

Si Lola Teresita Lim, o mas kilala bilang Lola Tessie, ay fan ni Dingdong mula sa Batangas. Sa isang online exclusive ng Family Feud, ibinahagi ng kanyang pamilya kung gaano kalaki ang paghanga ni Lola Tessie sa Kapuso actor-host.

Nakarating kay Dingdong ang hiling ni Lola Tessie matapos niyang mabasa online ang post ng kanyang apo, kaya agad siyang gumawa ng paraan para personal silang magkita sa Family Feud.

PHOTO SOURCE: Family Feud

Ayon kay Dingdong, "Hi, for your lola... tara, let's make it happen. I-kalendar na natin 'yan. I'd love to have her as our special guest around the first week of April. G?"

Hindi rin maitago ni Dingdong ang saya matapos nilang mag-bonding ni Lola Tessie.

“The best. Kailangan mag-enjoy si Lola dito. 'Yun ang goal natin dito,” kuwento ni Dingdong.

Balikan ang mga naganap sa pagkikita nina Dingdong at Lola Tessie sa Family Feud:

Samantala, patuloy na manood ng fresh episodes ng Family Feud Lunes hanggang biyernes, 5:35 p.m. sa GMA at sa Kapuso Stream.

Tuloy pa rin ang mas pinalawak na “Guess More, Win More” promo ng Family Feud! Network-wide na ang bigayan ng papremyo dahil kasali na rin sa "Guess More, Win More" ang GMA Afternoon Prime at GMA Prime programs na Born to Shine, House of Lies, Apoy sa Dugo, Fast Talk with Boy Abunda, The Sweetest Taboo, The Master Cutter, at Never Say Die.