Dingdong Dantes, pinirmahan ang kaniyang 'unofficial merch'
Around GMA
Around GMA
Rodrigo Duterte’s fitness to stand ICC trial to be determined by January – Conti First Airbus A350-1000 in Southeast Asia arrives in the Philippines Sarah Discaya, 8 others detained at jail in Mactan, Lapu-Lapu CityArticle Inside Page
Showbiz News
Isang nakatutuwang interaction ni Dingdong Dantes sa fan ang patok ngayon sa social media! Tingnan dito kung ano iyon.
Game na game ang Kapuso actor na si Dingdong Dantes sa mga kwelang pakulo ng mga netizens!
Nag-post kamakailan lang ang Filipino meme page na Kabalastugan ng picture ng Kapuso Primetime King na pumipirma sa package ng Dingdong Snack Mix.
“Merch ni Dong,” caption nila sa post.
“Hinihingi ko -- ayaw ibigay ni Kuya…” sabi naman ni Dingdong sa comments.
Samantala, ilang netizens naman ang hindi mapigilan mag-comment sa photo.
Ani ng isang user, “Signature over printed name.”
Isang netizen naman ang nag-comment, “Pa pirmahan ko din ung doorbell namin” at may nag-comment din na “unofficial merch.”
Pinansin naman ng isa pang netizen ang mukha ni Dingdong at sinabing “priceless” ang naging reaksyon ng aktor.
BALIKAN ANG PAGKAMIT NI DINGDONG NG BAONG CAREER MILESTONE SA GALLERY NA ITO:
Host ngayon si Dingdong ng afternoon game show na Family Feud at bukod dito, bumibida rin siya, kasama ang asawang si Marian Rivera, sa sitcom na Jose and Maria's Bonggang Villa 2.0.
Kamakailan ay bumida ang Kapuso Royalties sa 2023 Metro Manila Film Festival entry nila na Rewind kung saan nanalo si Dingdong bilang Best Actor sa ginanap na Manila International Film Festival.
Naging parte rin si Dingdong ng mystery thriller series na Royal Blood na kailan lang ay kasama na rin ito sa streaming platform na Netflix.
Tingnan ang post dito:
