Around GMA

Article Inside Page

Kinaiinisan ngayon ang bagong karakter na ginagampanan ni Elijah Alejo sa bagong season ng hit youth-oriented show na MAKA kung saan isa siya sa school bullies.

Sa teen show, napapanood siya bilang Elijah Rodente, ang queen bee ng MacArthur Academy na hindi maganda ang pakikitungo sa transferees na sina Zeph (Zephanie), Marco (Marco Masa), Ashley (Ashley Sarmiento), at JC (John Clifford).

Sa online exclusive content na "MAKA Secret Garden," nagbigay ng payo si Elijah para sa mga nakakaranas ng bullying sa school.

"As much as possible, umiwas ka talaga. Kasi wala e, ganu'n talaga, kahit saan ka magpunta may bullying," sabi ni aktres.

"Pero if hindi mo talaga maiiwasan, magsumbong ka sa principal, sa guidance counselor, sa prof mo, and at the same time, stand your ground.

"If alam mong wala kang ginagawang masama, wala ka dapat ikatakot kasi in the first place they are attacking you. Know your fights. Hindi lahat ng laban sinusuguran," dagdag niya.

Nang tanungin kung naranasan na rin ba niyang ma-bully sa school, natatawang binalikan ni Elijah ang nangyari sa kanya noong nasa first year high school pa lamang.

"It's funny kasi when I was in first year high school, there was this one guy from the other section na... kasi mayroon kaming [group chat] the whole batch even 'yung mga hindi namin ka-section, he told there na sinasabi ko raw na I have a man's reproductive system," kuwento ni Elijah.

"So, nabasa 'yon ng mom ko... and hinahayaan ko na lang kasi new school, hindi ko kilala 'yung mga ugali. May pagka-introvert kasi ako kapag hindi sa work. My mom told me na sapakin ko raw.

"That's what I did. Naghabulan kami the next day sa whole building, buong fourth floor. And, pagkahabol ko sa kanya hinihingal na kami pareho kasi pagod na pagod na, so kinuwelyuhan ko na lang. Right now, friends kami. It ended good."

Abangan si Elijah Alejo sa MAKA season 2 tuwing Sabado, 4:45 p.m. sa GMA.

TINGNAN ANG OUTFIT CHECK NG MAKA SEASON 2 CAST SA GALLERY NA ITO: