READ: Luis Manzano, tinanong kay Vilma Santos kung sino ang tunay na ama

Pinagkatuwaan ng netizens ang TV host/actor na si Luis Manzano matapos niyang kuwestiyunin ang identity ng kanyang tunay na ama sa kanya mismong ina na si Vilma Santos.

Nagkomento si Luis sa throwback photo na ipinost ni Vilma sa Instagram kasama si King of Pop Michael Jackson.

"Siya ba tunay [kong] ama, Mommy?!?! Sagot!!!! Si MJ BA TUNAY KONG AMA," tanong ni Luis.

Sumakay naman ang Star For All Seasons sa kakulitan ng kanyang anak. Biro niya, "HAHAHAHAHA!! Anak ayokong sabihin mo totoo ... pero inampon ka niya pero iniwan ka din sa akin"

Sabi pa ng veteran actress-turned-politician, "Ngayon alam mo na !! pero mahal na mahal kita ... alam mo yan anak! 'Pag naniwala mga tao ... lagot ka sa akin ! Hahahaha! Love you anak ! Work na si Momski️."