Oyo Sotto, nilinaw ang pagkatao ng anak na si Kiel

Minarapat ni Oyo Sotto na linawin sa isang netizen ang pagkatao ng kanilang anak ni Kristine Hermosa na si Kiel.

IN PHOTOS: The adorable kids of Oyo Sotto and Kristine Hermosa

Nitong nakaraang weekend, sumali sa isang motocross race sina Kiel at ang kapatid nitong si Ondrea. Kasama nila ang kanilang ama na very proud sa kanilang achievement.

Ngunit sa kabila ng kanilang kasiyahan, isang netizen ang nagkamali tungkol sa identity ng lalaking anak nina Oyo at Kristine.

Ayon sa binura nang komento ng netizen na may handle na @angprobinsyananghilaw, “So proud of you @osotto kahit na anak ni Kiel sa ibang lalaki ni Kristine, tinuring mo pa rin siyang own flesh and blood mo. Bihira sa ibang lalaki ang ganito.”

Naging mahinahon naman ang sagot ng aktor.

Paglinaw niya, “Hindi siya anak sa ibang lalaki. Kiel is our adopted son.”