READ: Ice Seguerra at Liza Diño, napupusuan na si 'Superman' bilang sperm donor

“We are down to two donors, pinagpipilian na lang namin.”

Ito ang masayang ibinalita ni Ice Seguerra tungkol sa sperm donor na hinahanap nila ng kaniyang asawa, si Film Development Council of the Philippines (FDCP) chairperson Liza Diño.

Ipinaalam kamakailan ni Liza na sumailalim na sa “egg harvesting” si Ice.

Simula pa lang daw ito ng proseso para sa plano nilang magkaanak, sabi ni Ice nang makausap siya ng entertainment reporters and bloggers sa pocket press conference para sa pre-Valentine concert nila ni Nyoy Volante na Acoustic Love Journey kanina, January 29.

READ: Ice Seguerra and Liza Diño start journey to have a baby

Ngayon daw ay namimili na sila ng sperm donor, at dalawang foreign donors na lang ang kanilang pinagpipiliian.

“Kapag napili na namin, that's when fertilization starts.

“Usapan namin ni Liza is by December. Kasi, siyempre, ayaw naman namin na magbubuntis siya 'tapos stressed,” sabi ni Ice.

Magiging abala raw kasi si Liza sa FDCP para sa selebrasyon ng ika-100 taon ng Philippine Cinema.

Kung siya ang tatanungin, mas gusto raw niya ang Caucasian na tinawag niyang “Superman/Boy Pogi.”

“Ang choice talaga namin is Caucasian,” sabi ng 35-year-old singer.

“Yung isa parang Hispanic, actually, pogi siya.

“Niloloko ko nga yung asawa ko kasi, namimili kami, 'Grabe, napaka-perfect naman nito.'

“Sabi ko, 'Love, sperm lang yung kukunin natin diyan, hindi yung tao.'”

Ano naman ang traits ng Caucasian sperm donor na kanilang nagugustuhan sa ngayon?

“Physical traits muna tayo, pipiliin namin siya because he's a six-footer,” sagot ni Ice.

Sabay biro niya, “Alam naman natin na kailangang i-compensate kasi ang laki, dagdag-bawas lang 'yan, guys.”

Dagdag pa ni Ice sa pisikal na kaanyuan umano ng sperm donor, “Sabi ko, 'Okay 'to, pogi.'

"Wala lang siyang adult picture dun, pero may nakalagay dun na look-alikes--look-alike daw niya si Liam Hemsworth at saka yung nasa 50 Shades of Grey, si Jamie Dornan.

"Ewan natin, malay mo.”

Pagdating naman sa personalidad, ayon kay Ice, hanggang maaari gusto niya ay kahalintulad ng katangian ni Liza ang makukuha nilang sperm donor, “Gusto ko yung ugali at yung characteristics ni Liza kasi ako na 'to, e.”

Pasok daw rito ang tinatawag niyang “Superman.”

“Alam mo 'yung sa Myers-Briggs, he is an ENFP, and my wife is also an ENFP,” ani Liza.

Ang Myers-Briggs ay isang personality test. Isang uri ng personality ang ENFP o Extraverted Intuitive Feeling Perceiving.

Ayon sa humanmetric.com, inilalarawan ang taong may ENFP personality bilang “the warmest, kindest, and most sympathetic of mates; affectionate, demonstrative, and spontaneous.”

Nakalagay rin daw sa profile ni “Superman,” “He's an artist, summa cum laude siya, he finished Sociology. 'Tapos he's a musician. He's a classically trained singer, he plays the guitar, and other instruments, and during his spare time, he loves to cook. Yun na rin yung gaya ng asawa ko.”

Isa lang daw ang inalala ni Ice, “Medyo nag-worry ako… Siyempre, may medical history dun, medyo nag-worry ako dun sa cancer part kasi mayroon siyang ilang relatives na meron.

“The other one also has naman sa relatives niya pero late na nag-occur unlike ito na parang 30s.”

May hiling na ba si Ice kung anong gusto niyang kasarian ng magiging anak nila ni Liza?

Sagot ni Ice, “Noong una, sabi ko boy. Kanina, sabi ko, gusto ko ng girl.

“'Tapos ngayon, kahit ano na lang basta healthy. Kasi, siyempre, gusto ko healthy, gusto ko okay siya.”

Sa ngayon, excited na raw si Ice maging tatay.

“I'm excited to take on that role. It's just me and Liza. I feel naman na kaya,” aniya.

Higit sa lahat, sabi ni Ice sa huli, “Excited akong magbuntis [si Liza], I just wanna be there like, one hundred percent. Talagang tipong gigisingin niya ako ng alas-tres para magpabili siya.

“Nag-i-scout na nga ako rito kung ano yung mga bukas, e. I'm just really excited.”