Mark Herras, labis na nag-alala nang mahawaan si Baby Corky ng COVID-19
Around GMA
Around GMA
Barangay kagawad at senior citizen, parehong patay sa banggaan ng kanilang motorsiklo sa Iloilo Mandaue City LGU, Mihangyo nga Pondohan ang Itukod nga Hospital | Balitang Bisdak Miss Cosmo Philippines Chelsea Fernandez lights up the runway with red swimsuitArticle Inside Page
Showbiz News
Naiyak raw si Mark Herras sa kalagayan ni Baby Corky nang mahawa siya ng COVID-19 sa kanila ni Nicole Donesa.
Kabilang sa listahan ng celebrities na nagpositibo sa COVID-19 ngayong January 2022 surge ang pamilya ng aktor na si Mark Herras at asawa niyang si Nicole Donesa. Maging ang kanilang mag-iisang taong gulang na anak na si Mark Fernando o Baby Corky ay nahawaan din ng virus.
Sa "Chika Minute" report ni Lhar Santiago para sa 24 Oras, ibinahagi ni Mark ang kanyang labis na pag-aalala sa anak nang makita niya itong nagkakasakit.
Kuwento niya, "After two days of trangkaso, nahawa si Corky, Tito Lhar, so sobrang stress kami. Umiiyak ako 'nung gabi kasi nakita ko kung paano mahirapan 'yung bata."
Mabuti na lamang daw ay matapos ang isang linggo na quarantine ay bumuti na ang kanilang kondisyon.
"Pero sa awa naman ng Diyos, after a week lang din nawala na 'yung symptoms namin," ani Mark.
Ngayon ay naghahanda na rin ang pamilya para sa first birthday ni Baby Corky ngayong January 31.
Mapapanood naman si Mark ngayong Sabado, January 29, sa episode ng Wish Ko Lang! kasama sina Althea Ablan, Royce Cabrera, at Jelai Andres.
Bibida rin si Mark sa upcoming GMA Afternoon Prime series na Artikulo 247 kasama sina Rhian Ramos, Kris Bernal, at Benjamin Alves.
Samantala, silipin naman ang mga larawan ng masayang pamilya nina Mark, Nicole, at Baby Corky sa gallery na ito:
