Around GMA

Article Inside Page

Grateful ang Kapuso actress na si Glaiza De Castro sa naging bondng nila ng K-Pop star at dating 2NE1 member na si Sandara Park nang mag-guest ito sa Running Man Philippines nitong nakaraang episode.

Sa Instagram ni Glaiza, sinabi niyang hindi pa rin siya makapaniwala hanggang ngayon na nakasama nila si Sandara sa naturang reality game show. Kalakip nito ang litrato nila ng Korean star suot pa ang costumes na ginamit nila sa game.

“Hoooyyyh di parin ako makapaniwala nakasama namin ang OG Visual Queen @daraxxi sa @gmarunningmanph… she really is…,” caption ni Glaiza sa post.

Pagpapatuloy niya, “Wala na akong masabi pa, THANK YOU LORD FOR THE BLESSINGSSSS… My #Blackjack and #DaraGon heart is happy…”

BALIKAN ANG KOREAN STARS NA SUMALI SA 'RUNNING MAN PHILIPPINES' SEASON 2 SA GALLERY NA ITO:

Matatandaan na malaking fan si Glaiza ng K-Pop o Korean pop. Ilang beses na rin siyang nag-cover ng mga kanta ng ilang Korean artists tulad nina G Dragon, IU, Suga, at marami pang iba. At siyempre, isa ang 2NE1 sa mga unang Korean group na hinangaan niya.

Samantala, hindi lang si Glaiza ang naging excited sa pagsali ni Sandara sa Running Man Philippines dahil maging ang netizens ay inabangan din na mapanood ang Korean star.

Papalapit na ang epic finale ng Running Man Philippines at hindi maitatangging marami pa ring dapat abangan sa reality competition.

Panoorin ang Running Man Philippines tuwing weekend, 7:15 p.m. sa GMA. Mapapanood din ang delayed telecast sa GTV 9:45 p.m. tuwing Sabado, at 11:05 p.m. tuwing Linggo.