Aiai Delas Alas creates bread inspired by Lee Min-ho after getting flak for her comments
“Naniniwala ako sa kasabihan na 'when life gives you lemons, make lemonade,'” sambit ni Aiai delas Alas sa kanyang Instagram kahapon pagkatapos makatanggap ng pambabash sa netizens.
Sa kanyang post, isang truce ang inihatid ng Kapuso Comedy Queen sa kanyang bashers sa pamamagitan ng pag-bake ng pan de lemon (lemon bread) na tinawag niyang “Pande Lee Min Ho,” hango sa pangalan ni Korean actor na si Lee Min-ho.
Aniya, “Bilang idol ko talaga si Lee Min-ho [kahit hindi ko gusto 'yung 'The King: Eternal Monarch] gumawa talaga ako ng bread na nakapangalan for you.
“Kung may pandilimon, ang Martina's may Pande Lee Min Ho… with ube and korteng L for 'Lee.' Soon gagawa pa ako ng Ube Pande Lee Min Loaf.”
Ito ang sagot ni Aiai sa pamba-bash na natanggap niya kamakailan pagkatapos niyang ihayag sa social media ang pagkadismaya sa latest K-drama series ni ni Lee Min-ho na The King: Eternal Monarch.
Aniya sa post noong Lunes, May 25, “Kung hindi lang si Lee Min-ho ang bida nito, hindi ako magtiya-tiyagang bigyan 'to ng chance… pero sorry… hindi kagandahan itong palabas na 'to para sa aking panlasa. Masyado akong disappointed.”
Paliwanag ni Aiai, naguguluhan siya masyado sa genre ng istorya at sangkatutak ang nakita niyang endorsements kada episode kahit na kilala sa Korea ang script writer nito.
Dagdag pa niya, “Hindi ako makakapit sa story… na-compare ko siya tuloy sa Itaewon Class na simple pero aabangan mo. Eto, limang chances na nabigay ko pero ayoko na talaga.
“Hay… ang lungkot. Sorry, idol kita at magaling ka pa din actor… pero 'yung flow ng story waley talaga @actorleeminho.”
Dahil sa dami ng pambabatikos na natanggap niya sa post, kasalukuyang naka-disable ang comments section ni Aiai sa Instagram.
Lee Min-ho's 'The King Eternal Monarch' rises to ratings; producer apologizes for controversy