Around GMA

Article Inside Page

Wagi ang ilang Kapuso shows at personalities sa Golden Laurel 2022: The Batangas Province Media Awards.

Sa pamamagitan ng serye ng Facebook posts, inanusiyo ng Lyceum of the Philippines University - Batangas ang mga nanalo sa bawat kategorya.

Pinarangalan bilang TV Station of the Year ang GMA-7 ng GMA Network, Inc.

Hinirang naman bilang Best Morning Show ang Unang Hirit, habang Best Documentary Show ang I-Witness.

Nakuha naman ng Born To Be Wild and parangal bilang Best Educational Program, habang si Drew Arellano naman ang napili bilang Best Educational Program Host.

Nabingwit naman ni Atom Araullo ang award bilang Male News Anchor of the Year para sa State of the Nation.

Pinarangalan bilang Best Magazine Show ang Kapuso Mo, Jessica Soho at Best Magazine Show Host naman si Jessica Soho.

Tumanggap din si Soho ng isa pang natatanging parangal--ang JPL Lifetime Achievement Award na ibinibigay sa isang tao na may mahalagang kontribusyon sa larangan ng pamamahayag.

Nagbabalik na ang Golden Laurel 2022: The Batangas Province Media Awards matapos ang two-year hiatus dahil sa lockdowns na dala ng COVID-19 pandemic.

Pinapangaralan nito ang mga mahuhusay na personalidad at programa sa telebisyon, radyo, print, digital media at social media na iboboto ng mga Batangueno at mga mag-aaral ng Lyceum of the Philippines.

Itatanghal ang hybrid awarding ceremony ng Golden Laurel 2022: The Batangas Province Media Awards sa August 4, 2022, 1:00 pm, sa Freedom Hall, SHL Building, LPU-Batangas Main Campus.

Congratulations, mga Kapuso!