Joy Barcoma at Baus Rufo, hanga kay Heart Evangelista
Around GMA
Around GMA
Nadine Lustre says she's not in a hurry to tie the knot with BF Christophe Bariou Video sa PUJ driver nga kusog magpadagan, nag-viral I One Mindanao Mr. World Philippines announces head-to-head challengeArticle Inside Page
Showbiz News
Alamin ang buong first impression story nina Joy Barcoma at Baus Rufo kay Heart Evangelista rito.
Hindi napigilang manggigil sa inggit sina celebri-peeps Joy Barcoma at Baus Rufo nang una nilang makita ang The People Have Spoken host Heart Evangelista.
Nitong Miyerkules (July 8), sa Fast Talk with Boy Abunda, binalikan ng iconic duo ang kanilang first meeting sa Kapuso actress.
"Well ako, honestly, nakakagalit. Nakakagalit siya kasi for the first time in my life, naramdaman kong hindi ako 'yung pinakamaganda sa kuwarto," biro ni Baus.
Dagdag naman ni Joy, "Nakakainggit dahil mas maganda siya."
Ngunit masaya ang beauty queen na makasama ang buong team sa fun game show.
"At the same time siguro Tito Boy, that experience alone, not just with Miss Heart, but working with the people, with the production, it's really like an experience na hindi ko in-expect na mararanasan namin. So nu'ng nalaman namin na siya 'yung main host, and then there's Sean, Janeena, Tim Yap, parang na-validate 'yung years of hard work, 'yung training for the skills,. Also the confidence that we have built within ourselves, parang 'yun 'yung validation na nakuha namin na 'Oh my God, I deserve to be here. I deserve this spot," paliwanag ni Joy.
Biro ng dalawa na madalas nilang nais hingin ang mga damit ni Heart. Pero on and off camera, labis na nag-e-enjoy ang dalawa na makasama ang host.
"She's very pleasant to work with, and she always takes the time to compliment us. If you know a certain take is very funny, 'Ang kulit-kulit n'yo du'n, a?'" kuwento ni Baus.
"Hindi siya madamot sa compliments. That is what we like about her. And also workwise, Tito, si Miss Heart, very on time siya, 'yun 'yung masasabi namin sa kaniya. Kapag shoot, nandu'n talaga siya. She's ready all the time," pahayag ni Joy.
"Then apparently, parang ang tagal na niyang ginagawa 'to and we learned na ikaw ang mentor niya sa hosting, so when she mentioned na si Tito Boy ang nag-mentor sa kaniya sa hosting, that explains why."
Subaybayan ang tatlo sa The People Have Spoken, tuwing Sabado, 6:15 p.m. sa GMA. Mapapanood din ito via Kapuso Stream sa social media accounts ng GMA at YouLOL.
Available din ang buong episode at mga highlight clip sa GMANetwork.com at YouLOL official accounts.
Samantala, kilalanin ang celebri-peeps ng The People Have Spoken sa gallery na ito:
