Around GMA

Article Inside Page

Ilang linggo na lang ay makakapiling na ni Juancho Trivino ang baby nila ni Joyce Pring.

Sa panayam ng GMANetwork.com, ibinahagi ni Juancho na nakararamdam siya ng pressure bilang first-time dad lalo na ngayon sa gitna ng quarantine.

"The pressure of being a father and husband is a lot.

"My preparation and focus right now is towards that. Just like Joyce and her preparation sa pagiging mom and giving birth."

Ayon sa aktor, nagbabasa siya ng ilang libro at nakikipagusap sa ilang mga may experience na rin sa parenting para mas maihanda ang sarili sa kanilang baby.

Photo source: @juanchotrivino

"I am also trying to do my part by reading materials and talking to contemporaries na dads also," aniya.

Sa kabilang banda, bilang asawa, sinisikap ni Juancho na matulungan si Joyce sa kaniyang pagbubuntis.

Sabi niya, "Preparing everything for Joyce and adjusting what she needs at this moment is my focus right now."

Samanltala, inilahad ni Juancho kung paano niya mina-manage ang kaniyang oras bilang aktor, businessman, at husband.

"Nowadays, mas madali kasi nasa bahay lang kami. Tatawid lang ako, magtatrabaho nang kaunti then, punta na ako sa kaniya, spend my time intentionally with her na."

Ayon sa aktor, maganda ang time management nilang mag-asawa dahil may panahon pa silang makapagset ng kanilang date night.

Paglalarawan ni Juancho, "In general, kami ni Joyce we set schedules for the week.

"Nagsi-set kami ng date nights and sini-send ko sa kaniya kapag may schedule ako na I need to do with my business or work with GMA or other work actually in general so she knows what to do also and to keep herself busy as well."

Sa last vlog nina Juancho at Joyce ay inanunsiyo nila na lalaki ang kanilang magiging anak.

Silipin ang pregnancy journey ni Joyce Pring sa gallery na ito: