Around GMA

Article Inside Page

Ibinahagi ni Juancho Trivino na kabilang ang kaniyang negosyo sa mga humarap sa pagsubok ngayong quarantine.

Sa kaniyang interview ay ikinuwento ni Juancho na nahirapan sila dahil sa quarantine at dahil sa takot rin ang mga tao sa muling pagtaas ng kaso ng COVID-19 sa bansa.

Si Juancho ay may food cart business na matatagpuan sa Sta. Rosa, Laguna. Binuksan niya ang kaniyang franchise nito lamang January 2021.

Saad ng aktor, "Medyo nahirapan kami noong mid-March to right now because of the ECQ and everyone is afraid to go out. Halos hindi naman talaga puwedeng lumabas noong time na 'yun."

Nagpapasalamat pa rin si Juancho dahil hindi nagsara ang kanilang negosyo ngayong quarantine dahil nakapuwesto ito sa isang supermarket.

"'Yung food cart business namin was blessed naman siya na nasa supermarket siya so the supermarket didn't close. Good thing it was there."

Pag-amin ni Juancho, mayroon pa rin silang benta pero hindi ito tulad ng dati. Kuwento pa niya ay masaya naman siyang nakaka-survive ang kanilang negosyo dahil kailangan ng mga empleyado nila ng trabaho.

"It's still made some sales pero not to the volume as it did before. But surviving, nakikita ko rin siyempre 'yung mga employees din namin, siyempre they also need work. Kami ng sister ko which is my partner are also very much happy to be helping other people and to be giving service around."

Photo source: @juanchotrivino

Ayon kay Juancho, sa kinakaharap nating quarantine ay may isang aral siyang natutunan.

"Patience. Patience talaga. Isang pinakamalaking lesson for me 'yun and trusting that God has a plan for us."

Dugtong pa ng aktor, "That gives me a lot of peace at heart despite the challenges na dumadating sa life namin ni Joyce (Pring)."

Related content:

Juancho Trivino, handa na ba sa first baby nila ni Joyce Pring?

Joyce Pring and Juancho Trivino are expecting a baby boy!