Judy Ann Santos, sinagot ang pahayag ni Claudine Barretto tungkol sa naging kompetisyon noon
Around GMA
Around GMA
'Steel Ball Run: JoJo's Bizarre Adventure' to release first episode in March 2026 My Chemical Romance moves Asia show dates to November 2026fa GMA Kapuso Foundation, naghatid ng tulong sa 8,000 nasalanta ng Bagyong Tino sa Dinagat Islands | 24 OrasArticle Inside Page
Showbiz News
Inamin ni Judy Ann Santos na napanood niya ang interview ni Claudine Barretto sa Fast Talk With Boy Abunda. Ano kaya ang reaksyon niya dito?
Inamin ni Judy Ann Santos-Agoncillo sa Fast Talk with Boy Abunda na na-touch siya sa sinabi ni Claudine Barretto tungkol sa kanilang relasyon at naging kompetisyon noon sa pagiging teleserye queen.
Matatandaan na sinabi ni Claudine sa TV host na si Boy Abunda sa kaniyang pagbisita sa parehong programa kamakailan na magkaibigan talaga sila ni Judy Ann at hindi lamang sila pinayagan na makitang magkasama noon dahil sa kanilang professional careers.
“Ang dami naming pinagdaanan ni Judy Ann it's just that during that time kung baga para kaming mag-boyfriend-girlfriend ni Judy Ann, bawal kaming makita sa labas [na magkasama] kasi ayaw ni Tito Alfie kasi dapat daw ala-Nora-Vilma,” pahayag noon ni Claudine.
Nag-react naman dito ngayon si Judy Ann sa naging panayam niya kay Boy para sa ika-100 episode ng Fast Talk with Boy Abunda.
Aniya, “Na-teary eyed ako ng slight. Tama si Claudine e, we never really had a chance to be close nu'ng mga bata pa kami because Star Magic siya, and I have Tito Alfie with me, palagi kaming nakatapat sa isa't isa.”
Sinabi rin noon ni Claudine na hindi niya malilimutan ang ginawa ni Judy Ann na isama siya sa titulong pagiging queen of teleserye.
“I will never forget what Judy Ann did for me, that's why she is who she is. You know at my lowest point, in one of her interviews, they said that she was the teleserye queen but she said, 'No, Claudine and I share this title,' I will never forget that Boy 'til the day I die,” saad ni Claudine.
Ayon naman kay Judy Ann, naniniwala siya na may magandang dulot din sa kanila ni Claudine ang kanilang healthy competition.
“I guess that's a very healthy competition back then and ako naniniwala ako hanggang ngayon, there's always a need for you to have a competition para alam mo kung saan mo pa puwedeng itaas 'yung sarili mo, kung saan ka pa puwedeng mag-improve,” ani Judy Ann.
Gaya rin ng sinabi noon ni Claudine, handa rin si Judy Ann na magkasama sila sa isang proyekto.
“A project with Claudine of course why not hindi lang naman sa dahil hinihingi ng mga tao but I think it would be a very interesting project,” saad niya.
Dagdag pa ni Judy Ann, tingin niya ay ito na ang tamang panahon para gumawa sila ng proyekto ni Claudine nang magkasama.
“For me and Claudine to do a project, this is I think the very perfect moment. Why? Because kalmado and payapa ang kapaligiran,” anang aktres.
Samantala, sinabi rin ni Judy Ann sa kaniyang panayam kay Boy na bukas siyang gumawa ng proyekto sa GMA Network.
Aniya, “I've always had a good relationship with GMA-7. I made Ouija under GMA films, nag-ge-guest ako sa SOP, I'd be their co-host, I mean, very open 'yung relationship ko sa GMA-7.”
Patuloy naman na tumutok sa Fast Talk with Boy Abunda pagkatapos ng The Seed of Love sa GMA Afternoon Prime via television broadcast sa GMA at sa iba pang digital platforms.
SILIPIN ANG BEAUTIFUL PHOTOS NI JUDY ANN SANTOS SA GALLERY NA ITO:
