Around GMA

Article Inside Page

First time na sasabak sa Family Feud ang talented daughter nina Megastar Sharon Cuneta at Sen. Kiko Pangilinan na si Kakie. Kung si Mega ay nanalo sa kanyang pagsali, ma-duplicate kaya ni Kakie ang tagumpay ng kanyang mommy?

Ngayong April 8, maglalaro si Kakie kasama ang kanyang equally-talented cousins. Kalaban nila ang fast-rising stars mula sa Visayas.

Kasama ni Kakie sa Team Salomon-Pangilinan ang acclaimed theater lead and vocalist na si Gab Pangilinan. Siya ay mapapanood bilang Mary Magdalene sa upcoming international tour ng Jesus Christ Superstar.

Nakaalalay din ang mister ni Gab - ang award-winning theater actor, musical director na si Myke Salomon, at ang distinct voice sa bandang Over October na si Joshua Pangilinan Buizon.

Para sa team na Iloilo Boys Next Door maglalaro ang Iloilo's fastest-rising acts na 1VXN and ICONIX PH. Sina Enrico Ramos at Crystoff Davids ng 1VXN ay ang dynamic duo na may freestyle flair at sharp choreography. Samantala, sina JC Miguel at Jacob Smith ng ICONIX PH ang multi-talented performers na kayang i-handle ang dance, music mixing, and video editing.

Abangan ang musical Wednesday showdown na inihanda ng Family Feud ngayong April 8, 5:35 p.m. sa GMA at sa Kapuso Stream.

Patuloy pa rin ang mas pinalawak na “Guess More, Win More” promo ng Family Feud. Network-wide na ang bigayan ng papremyo dahil kasali na rin sa "Guess More, Win More" ang GMA Afternoon Prime at GMA Prime programs na Born to Shine, House of Lies, Apoy sa Dugo, Fast Talk with Boy Abunda, The Sweetest Taboo, Encantadia Chronicles: Sang'gre at Never Say Die.