Around GMA

Article Inside Page

Kinakikiligan ngayon ang tambalan nina Kapuso stars Lexi Gonzales at Miguel Tanfelix sa bagong tech-driven action-drama series na Taskforce Firewall.

Gumaganap si Lexi bilang computer analyst na si Emma, habang si Miguel naman ay ang retired soldier na si Galo.

Magkakakilala ang dalawa nang maging bahagi ng Firewall, ang cybercrime division ng kapulisan.

Open kaagad si Galo sa attraction niya para kay Emma. Si Emma naman, cautious sa pakikutungo kay Galo.

Image Source: gmadrama (Instagram)

Ayon kay Lexi, magkakaroon ng pagbabago dito sa mga susunod na episodes ng serye.

"Unti-unti, each day na nagkakasama nila and all the more na nakikilala ni Emma si Galo, mas nare-realize niya na 'yung intentions ni Galo are pure. And that siya din, nakakaramdam na rin siya ng something for Galo," bahagi ni Lexi.

May mensahe naman siya sa "shippers" o avid fans ng tambalan nina Emma at Galo.

"To the fans of Taskforce Firewall na sumusuporta din kay Emma and Galo, maraming salamat. We're happy sa comments niyo na kinikilig kayo, nag-e-enjoy kayo sa dynamics namin, and even as a team. Maraming, maraming salamat, mga Kapuso! The best kayo," aniya.

Patuloy na panoorin sina Lexi Gonzales at Miguel Tanfelix sa Taskforce Firewall, Lunes hanggang Biyernes, 8:50 p.m. sa GMA Prime! May second telecast ito sa GTV tuwing 10:30 p.m. at mapapanood din sa GMA Play.

I-download ang GMA Play sa Apple App Store at Google Play. Available din ito sa GMANetwork.com/GMAPlay at sa mga Android TV.