Maja Salvador, sinorpresa ng co-stars sa 'Open 24/7' bago ang kaniyang kasal

Kita sa reaksyon ng Majestic Superstar na si Maja Salvador na wala itong kaalam-alam na may hinandang sorpresa ang co-stars niya sa high-rating Kapuso sitcom na Open 24/7 bago ang kaniyang kasal sa fiancé na si Rambo Nuñez.

Sa Instagram Stories nina Sofia Pablo at Allen Ansay, may pa-cake ang buong team para kay Maja na nakatakdang ikasal ngayong Hulyo.

Gumaganap si Maja bilang Mike sa sitcom na pinagbibidahan din nina Bossing Vic Sotto at Jose Manalo.

Sa panayam nila Maja at Rambo sa PEP.Ph, kinumpirma ng dalawa na “destination wedding” ang mangyayari.

Lahad ni Rambo sa showbiz website, “Yung gusto lang namin yung… parehas kaming mahilig mag-travel, e. So, we wanna go to destinations na, kumbaga, malapit din sa amin,”

Na-engage ang dalawa noong April 2022.

Samantala, mapapanood naman ang versatile actress at comedienne na si Kakai Bautista sa upcoming episode ng Open 24/7 ngayong July 29. Gaganap ang magaling na performer bilang si Juana.

SILIPIN ANG SWEET ENGAGEMENT NINA MAJA AT RAMBO DITO: