Camille Prats, excited sa kakaibang kontrabida role

Hindi man ito ang kaniyang unang kontrabida role, excited naman ang Kapuso star na si Camille Prats para sa kakaibang kontrabida role na gagampanan niya sa upcoming Afternoon Prime series na Mommy Dearest.

Sa interview ng GMANetwork.com, ibinahagi ni Camille na ang unang kontrabida role niya ay sa GMA romance drama series na Second Chances kasama si Jennylyn Mercado, ngunit iba umano ang pagiging kontrabida niya sa bagong serye.

“This is like a different kind of kontrabida, hindi lang siya scheming and maldita-maldita, hindi. It's different, a deeper level of that, someone who actually inflicts pain on somebody else,” sabi niya.

Dagdag pa ng aktres, “It's the first time that I would be doing something like this.”

Ibinahagi rin ni Camille na excited siya gampanan ang kaniyang karakter at sinabing magiging challenging ito para sa kaniya dahil hindi pwedeng lumabas “ni katiting” ang kaniyang personality.

“It's like an entirely different person na kailangan kong buuin sa isip ko, of course in collaboration with Direk and the creatives and how they picture this role to be. So, talagang 'yung challenge na ang pakiramdam ko ay I am going to be an entirely different person,” sabi niya.

Dagdag pa niya, “Walang bahid ni Camille, walang bahid ng kung sino man, talagang ako si Olive and I have to embrace every painful part of her being for that kind of persona to come out.”

BALIKAN ANG MGA PINAKABAGONG KAPUSO KONTRABIDA NA AABANGAN SA GMA SA GALLERY NA ITO:

Sinabi rin ni Camille na kahit challenging ang kaniyang magiging role ay excited naman siya para mag-explore nang lagpas sa nakasanayan niya.

Ibinahagi rin ni Camille na hindi siya nagbabasa ng scripts sa kanyang paghahanda para sa kaniyang drama roles dati para “'pag nabasa ko 'yung kwento, 'yung unang impact ng emosyon, that's how I work as an actress.” Ngunit ngayon, ang pagbabasa mismo ng script ang naging paraan niya para paghandaan ang kaniyang karakter bilang Olive.

“I feel like I really have to study the lines, kailangan ko masa-ulo 'yung lines kasi kailangan ko ring isipin 'yung arte ko as I say it. Parang there's so many things to think of,” sabi niya.

Dagdag pa niya, “'Yung preparation for me is very different and isa 'yun siguro kung bakit ako na-e-excite kasi I know that it's something that I know na hindi ako pwedeng magpapetiks-petiks lang.”

Sinabi rin ni Camille na dahil premyadong aktor din ang direktor nilang si Ms. Gina Alajar, sigurado siyang meron itong standards na hihingin sa kanila. Ibinahagi rin niya ang kaniyang excitement na makatrabaho ang iba pa nilang co-stars kabilang na sina Katrina Halili at Amy Austria.

“It's really an exciting project for us,” pagtatapos ni Camille.