Around GMA

Article Inside Page

Nagsimula na ang shooting ng Love After Love na first-ever movie team-up nina Kapuso Primetime King Dingdong Dantes at dating ABS-CBN President na si Charo Santos.

Sa panayam ng GMANetwork.com kay Dingdong sa contract signing niya sa GMA noong May 9, sinabi ng aktor ang kaniyang excitement para sa naturang pelikula.

Aniya, “Oh yes, so we're currently filming. Excited na kami to share with you the film. Hindi pa namin alam kung kailan ipalalabas so… pero ngayon under production na siya.”

Hindi rin naitago ni Dingdong ang kaniyang saya dahil aniya, nakatrabaho niya ang isa sa mga itinuturing na haligi ng entertainment industry.

“Kakaibang experience din siya working with Ma'am Charo. It's such an honor to be working with an icon na katulad niya, nakakamangha, grabe as in ang dami kong tanong about the industry 'yung ginagawa niya dati so what an experience for me.”

Tingnan ang post na ito sa Instagram

Isang post na ibinahagi ni Dingdong Dantes (@dongdantes)

Ang Love After Love ay reunion project din ni Dingdong sa writer and director na si Irene Villamor na gumawa ng pelikula nila ni Anne Curtis noong 2018 na Sid and Aya.

Kamakailan, kinilala naman sina Dingdong at ang asawa niya na si Marian Rivera bilang Bida Sa Takilya awardees ng Filipino Academy of Movie Arts and Sciences o FAMAS at Box Office Phenomenal Stars of Philippine Cinema sa 52nd Box Office Entertainment Awards. Ang mga parangal na ito ay dahil sa tagumpay ng kanilang top-grossing film na Rewind.

Napapanood naman ngayon si Dingdong bilang host ng trending game show na Family Feud, habang balik-primetime na rin si Marian sa seryeng My Guardian Alien.