Around GMA

Article Inside Page

Balik-teleserye si Nadine Samonte sa upcoming inspirational drama series na Forever Young, na mapapanood na sa October 21 sa GMA Afternoon Prime.

Ayon kay Nadine, sobrang natutuwa siya sa pagkakataon na ibinigay sa kanya ng Kapuso Network na muling maipakita ang talento sa acting.

"Masasabi ko rito talagang binigay ko 'yung best ko kasi sabi ko, 'This is my comeback," sabi ni Nadine sa interview kay Lhar Santiago ng 24 Oras.

Dagdag niya, "They really need to watch it. Nakaka-touch. Iba talaga, 'yung bonding namin and connection namin ni Euwenn (Mikaell) is malalim."

Sa Forever Young, makikilala si Nadine bilang Judy, ang mapagmahal na ina ni Rambo, na pagbibidahan naman ng Kapuso phenomenal child star na si Euwenn Mikaell.

Sa set, aliw na aliw si Nadine kay Euwenn dahil sa, aniya, nakatutuwang kakulitan nito. Nakikita rin ng aktres sa batang aktor ang kanyang mga anak.

"Si Euwenn ang direktor namin dito," natatawang biro ni Nadine. "He's ano kasi, iba talaga 'yung isip ni Euwenn. Hindi siya isip bata e'. Sobrang matured n'yang mag-isip."

Bukod kay Euwenn, makakasama rin ni Nadine sa serye sina Michael De Mesa, Eula Valdes, Alfred Vargas, Althea Ablan, Princess Aliyah, Bryce Eusebio, James Blanco, Yasser Marta, Matt Lozano, at Abdul Raman.

Tampok sa serye ang kakaibang kondisyon ni Rambo, isang 25-year-old na na-trap sa katawan ng isang 10-year-old dahil sa rare medical condition na panhypopituitarism kung saan naapektuhan ang paglaki nito.

Iikot ang kuwento ng Forever Young sa kung paano mapagtatagumpayan ni Rambo ang malaking misyon para sa pamilya at maraming tao, at ang mga pagsubok na dala na rin ng kanyang kondisyon.

Abangan ang Forever Young ngayong October 21, 3:20 p.m. sa GMA Afternoon Prime.