Nagsama-sama ang cast members ng family comedy movie na 'D' Ninang' para sa kanilang red carpet premiere sa SM Megamall Cinema 7 kagabi, January 21.
Dumalo sa premiere night ng 'D' Ninang' ang ilang cast members nito na sina (mula kaliwa) Kelvin Miranda, Angel Guardian, Aiai Delas Alas, Kisses Delavin, at (rightmost) McCoy De Leon. Present din ang direktor ng family comedy movie na si GB Sampedro.
Ayon sa bida ng pelikula na si Aiai, unang aguinaldo ng taon ng Regal Entertainment ang 'D' Ninang.'
Ito ang unang pagkakataon na nagkasama sina Aiai at Kisses sa isang proyekto. Mag-ina ang role na kanilang ginagampanan dito.
Sa 'D' Ninang' din unang beses nagkapareha sina Kisses at McCoy.
Ito naman ang ikalawang pagtatambal ng Kapuso stars na sina Kelvin Miranda at Angel Guardian. Nagkapareha ang dalawa sa isang episode ng 'One Hugot Away.'
Sinisigurado ng 'D' Ninang' director na si GB Sampedro na ma-e-enjoy ng buong pamilya ang pelikula.
Rivals man sina Angel at Kisses sa pelikula, good friends naman sila sa tunay na buhay.
Isa si Aiai sa mga nag-welcome kay Kisses sa GMA kaya labis ang pasasalamat ng young actress sa Comedy Queen.
Sinalubong ni Kisses nang mahigpit na yakap si Aiai bilang pagbati.
Ginagampanan ni Aiai sa 'D' Ninang' ang role ni Ditas, isang magnanakaw na ginagamit ang ilegal na gawain sa pagtulong sa kanilang komunidad.
Binibigyang-buhay naman ni Kisses ang karakter ni Mikhai, isang political science student.
Proud si Kelvin sa kanyang love team na si Angel dahil ipinamalas ng actress ang kanyang galing sa pag-arte sa 'D' Ninang.'
Dumalo si Gerald Sibayan sa premiere night para suportahan ang pelikula ng kanyang asawang si Aiai.
Mangiyak-ngiyak si Aiai matapos mapanood ang pelikula.
Ipapalabas ang 'D' Ninang' sa mga sinehan simula Miyerkules, January 22.