Narito ang ilang celebrity couples na gumawa ng paraan para makapaghatid ng tulong sa mga kapwa Pinoy ngayong nasa ilalim ng enhanced community quarantine (EQC), buong Luzon dahil sa 2019 coronavirus disease (COVID-19).
Sina Dra. Vicki Belo at Hayden Kho ay isa sa celebrity couples na agad na naghatid ng tulong sa ating frontliners.
Agad na ipinadala ng Belo team ang kanilang personalized protective equipment o PPE para sa health workers sa Rizal Medical Hospital, Research Institute for Tropical Medicine, Philippine General Hospital, Jose Reyes Memorial Hospital, Providence Hospital, Air Force, at University of Santo Tomas.
Sina Doug at Chesca Kramer, kasama ang kanilang mga anak na sina Kendra, Scarlett at Gavin, ay nagbahagi ng kanilang blessing sa frontliners.
Ayon kay retired basketball player na si Doug, nagpadala sila ng packed meals sa Dr. Jose Fabella Memorial Hospital. Hinikayat din niya ang kanyang followers na magbahagi ng tulong sa ating health workers.
Si Angel Locsin at ang film producer na fiance niyang si Neil Arce ay agad ring nagbahagi ng tulong.
Nanawagan si Angel sa mga kapwa niya artista at sa publiko na mag-donate ng kanilang taping beds or folding beds para ihatid sa sleeping quarters sa frontliners.
Ang bagong kasal na sina Sarah Lahbati at Richard Gutierrez ay nagbahagi rin ng kanilang tulong sa pamamagitan ng paglunsad ng online fundraising campaign.
Mula sa nalikom nilang donasyon, nakapagbahagi sina Mr. and Mrs. Gutierrez ang medical supplies at pagkain para sa higit na nangangailangan ngayong may enhanced community quarantine.
Tuluy-tuloy lamang ang serbisyo nina Heart Evangelista at Governor Chiz Escudero sa Sorsogon .
Sabi ni Heart, "Mahal Kong Sorsogon, help is coming and the next batch is already being prepared."
Ang Kapuso couple na sina Joyce Pring at Juancho Trivino ay agad ring naghatid ng tulong sa medical workers.
Naghatid ng mga kape sina Juancho at Joyce para sa mga doktor at nurse sa mga hospital.
Kilala rin sa industriya na may mabubuting puso ang Parokya ni Edgar frontman na si Chito at aktres na si Neri Naig.
Ayon kay Neri, nagbigay sila ng food allowance sa kanilang mga empleyado habang nasa ilalim ng enhanced community quarantine.
Naghandog sina Kapuso Primetime King and Queen na sina Dingdong Dantes at Marian Rivera ng pagkain para sa mga COVID-19 frontliner sa Quezon City General Hospital.
Ayon kina Dingdong Dantes at Marian Rivera, ang paborito nilang menudo, na minana pa ng huli sa kanyang Lola Inkang, ang inihanda nila sa mga frontliner sa Quezon City General Hospital.
Bilang tulong sa mga medical frontliners na araw-araw nakikipaglaban sa COVID-19, personal na gumawa sina Kapuso couple Mikael Daez at Megan Young ng DIY face shields para sa mga ito.
Nakipagtulungan sina Solenn Heussaff at Nico Bolzico sa #UniTENTweStand campaign ni Angel Locsin na layuning makapagtayo ng mga sanitation tent at sleeping quarter sa mga ospital.
Kabilang din sina Ryan Agoncillo at Judy Ann Santos sa mga personalidad na tumulong sa mga COVID-19 frontliner sa pamamagitan ng pagdo-donate ng DIY face shields sa mga iton.
Bilang pasasalamat sa sakripisyo ng mga COVID-19 frontliner, personal na ipinagluto ni Judy Ann Santos, sa tulong ng asawa niyang si Ryan Agoncillo, ang mga ito.
Tahimik na tumulong ang showbiz couple na sina Ejay Falcon at kanyang girlfriend na si former 'StarStruck' contestant, Jana Roxas.
Sa post sa Instagram, makikita na ipinagluto nina Ejay at Jana ng pagkain ang frontliners. Kasama sa mga naabutan nila ng food packs ang mga personnel ng Diliman Doctors Hospital.