Around GMA

Article Inside Page

Malapit nang magsimula ang ikalawang season ng Pinoy Big Brother Celebrity Collab Edition. Nitong mga nakaraang araw ay ipinakilala na rin ang ilan sa mga bagong housemate na papasok sa Bahay ni Kuya. Pero bago sila magsimula ng kanilang journey, may payo muna ang mga host na sina Gabbi Garcia at Mavy Legaspi.

Sa panayam ng GMANetwork.com, nagbigay sina Gabbi at Mavy ng maipapayo nila sa upcoming housemates at pareho ang gusto nilang sabihin sa mga ito, na 'wag mag-worry masyado.

Ani Gabbi, “I feel like some housemates, they worry too much on parang, they try to strategize too much wherein you can just really be yourself, e. People will love you even more.”

Pinayuhan din ni Mavy ang mga bagong housemate na 'wag masyadong mag-overthink dahil nawawala ang totoong sila.

“Sometimes, they're already themselves, pero kaka-overthink nila, nagiging ibang tao sila. They are trying so hard to be themselves when really, they're themselves na. So just enjoy it, just enjoy the journey,” sabi ni Mavy.

Samantala, marami umanong sopresa ang dapat abangan ng mga manonood sa kickoff ng Pinoy Big Brother Celebrity Collab Edition 2.0 ngayong Sabado, October 25.

“May nakahanda nang sorpresa para sa kanila, and you know, it's really different now kasi may na-announce na kaagad na housemate so hindi naman usually ginagawa 'yun,” sabi ni Gabbi.

Dagdag pa ng aktres, mas maraming flavors dahil teens ang housemates sa bagong season, at maraming ups and downs ang mapapanood sa loob ng Bahay ni Kuya.

Excited naman umano si Mavy na makita ng mga manonood na mag-bloom ang celebrity teen housemates.

“Of course, lahat naman sila, may iba't ibang backgrounds whatsoever, stories that the viewers can also relate, too, so that's what they should look forward to,” sabi ni Mavy.

TINGNAN ANG PAGBABALIK NINA GABBI AT MAVY BILANG HOSTS NG 'PBB' SA GALLERY NA ITO: