How much is Michael V's net worth?
Published On: January 28, 2015, 12:16 PM
Updated On: February 23, 2020, 12:01 AM
By AEDRIANNE ACAR
PHOTO BY MARY LOUISE LIGUNAS, GMANetwork.com
Suntok sa buwan maituturing ang manalo ng 700 million pesos sa lotto. But out of sheer luck, nasungkit ni Pepito ang multi-million pot money by getting the right lotto combination.
At sa mahigit apat na taon na tumatakbo ang kuwento ng high-rating comedy show ng GMA-7, marami na ang nagtatanong kung gaano na ba kayaman si Pepito?
Ayon sa tumatayong creative director at main star ng show na si Michael V, malaki-laki na rin daw ang kayamanan na naipon ni Pepito. Pero, hindi tulad ng iba na biglang yaman, mas pinili raw ng karakter na maging conservative sa paggastos ng kanyang napanalunan.
Ani Bitoy, “Ang hirap lagyan ng presyo pero sa totoo lang medyo malaki-laki na rin. Ang pinalalabas lang namin sa show eh si Pepito galing sa isang mahirap na pamilya. Hindi pa rin siya totally nakaka-adjust dun sa buhay niya ngayon.”
Dagdag pa ng Kapuso comedian, “So conservative pa rin siya. Kung mayaman na mayaman man siya hindi niyo nahahalata dahil sa ugali niya.”
Para naman sa director ng Pepito Manaloto: Ang Tunay na Kuwento na si Direk Bert de Leon, maganda pamarisan ng mga tao si Pepito dahil perfect example daw siya ng isang lotto winner na sa halip lustayin ‘yung pera ay mas pinili nito na mag-negosyo.
Saad niya, “Yun ‘yung I think the perfect example of ‘yung lotto winner na ginamit niya ‘yung pera niyang napanalunan nagnenegosyo siya. Tinatrabaho niya. Mayroon siyang negosyo, pinag-aaralan niya ‘yung negosyo. Kahit na 'pag may ginagawa ka eh dinudugas ka ni Tommy.”