Opisyal nang pumirma sa Sparkle GMA Artist Center ang sexy comedienne na si Rufa Mae Quinto.
Matatandaang pansamantalang nanirahan si Rufa Mae sa Amerika, kasama ang asawa na si Trevor Magallanes at anak nilang si Athena, nang magsimula ang pandemya noong 2020.
Ngayong Abril, ibinahagi ni Rufa Mae na handa na siyang balikan ang buhay artista. Silipin ang mga balik-artista photos ni Rufa Mae sa gallery na ito:
"Welcome back to me!" Ito ang saad ni Rufa Mae Quinto nang ianunsiyo niyang magbabalik na siya sa showbiz.
Sa isang interview, inihayag ni Rufa Mae na bahagi na siya ng Sparkle GMA Artist Center.
Ngayong April ay sunud-sunod na ang posts ni Rufa Mae kaugnay ng kanyang pagbabalik-Kapuso.
Matatandaang gumanap ng iba't ibang karakter si Rufa Mae sa GMA Network bago siya pansamantalang nanirahan sa Amerika. "Nag-host ako, nag-sitcom, nag-gag show, lahat na. Naging mermaid, naging Darna, nag-Marinara, nag-Bubble Gang, soap, lahat ginawa ko. So sabi ko, balik na lang ako ulit para ulitin ko ulit. Inulit lang pala," natatawang kuwento ni Rufa Mae.
Isa sa mga unang binisita ni Rufa Mae ay ang 'Family Feud' na hosted by Kapuso Primetime King, Dingdong Dantes.
Napasabak naman sa aktingan si Rufa Mae sa programang 'Tadhana' na mapapanood sa April 23 at 30.
Hindi rin nagpahuli sa pakikipagkulitan si Rufa Mae sa 'Mars Pa More.'
Ayon kay Rufa Mae, nakapag-shoot na rin siya agad ng kaniyang endorsement.
Dahil balik-Kapuso na ang aktres, handa na siyang ipakitang muli ang kaniyang mga talento sa mga manonood.
Abangan ang exciting new projects ni Rufa Mae sa GMA Network.
Sa kaniyang pagbabalik-GMA, nagkaroon ng pagkakataong makatrabaho ni Rufa Mae ang kaniyang 'Bubble Gang' co-star na si Antonio Aquitania.
Nagbalik din sa pagpe-perform si Rufa Mae sa pamamagitan ng guest appearance niya sa weekly noontime show ng GMA ang 'All-Out Sundays (AOS).'
Noong September 11, 2022, nag-viral ang kaniyang production number sa 'AOS' kung saan nakasama niyang mag-perform ang 'The Clash' graduates na sina Thea Astley at Mariane Osabel. Dito ay inawit nila ang “Where Do Broken Hearts Go,” “Wake Me Up Before You Go-Go,” at “Let It Go!” na nilagyan ng comic relief ng komedyante. Ang nasabing number ay nag-viral din sa Thailand at Malaysia.
Napasabak din si Rufa Mae sa drama. Ngayong September 24, 2022, bibida siya sa fresh episode ng drama anthology na 'Magpakailanman.'