Chynna Ortaleza on Kean Cipriano: 'Steady lang kami'

By MICHELLE CALIGAN

 

Sa pictorial pa lamang ng The Rich Man's Daughter ay nali-link na si Chynna Ortaleza sa Callalily frontman na si Kean Cipriano. Ayon sa mga bali-balita, may nakakita sa kanila umano na very sweet sa isa't-isa habang nasa isang beach sa Zambales during Holy Week.

 

"Pumunta kami doon with friends kasi into filmmaking kami ngayon. Last naming natapos was a music video for 6CycleMind, nag-AD (Assistant Director) ako sa kanya," paliwanag ni Chynna.

 

Aniya, isa rin sa kanyang pegs bilang Batchi ang singer. "Alam mo, nakakatawa nga kasi kumbaga isa rin 'yan sa mga kaibigan ko na chini-check ko kasi 'di ba, parang ano siya, rock star. Tinitingnan ko kung paano siya gumalaw din, ino-observe ko siya."

 

Ano nga ba ang status ng kanilang relationship?

 

 

"Steady lang kami. Steady lang kami niyan ni Kean. Masaya lang kami na magkasama. I'll go with the flow. Kahit naman sa ibang tao na nagpapahiwatig, sige friends tayo."

 

READ: Chynna's message to her admirers

 

Galing sa isang 10-year relationship si Chynna, kaya ayaw raw niya munang mag-commit with anyone sa ngayon.

 

"Kasi ngayon lang naman talaga, sa totoo lang, na naging single ako. Antagal ko kasing in a relationship eh. Parang feeling ko ngayon ko lang na-e-explore 'yung buhay ko."