Tunghayan ang pagbabalik nina 'Tom and Jerry' tuwing Sabado!

Isang classic at lubos na kinagigiliwan ang all-time favorite cartoon series na Tom and Jerry. 

Totoo namang nakakaaliw ang paghahabulan at pagkukulitan ng pusang si Tom at ng dagang si Jerry. 

Kaya naman hatid ng GMA Astig Authority ang iba’t-ibang mga adventures ng dynamic duo ng kakulitan tuwing Sabado, simula May 7!

Unang mapapanood ang Tom and Jerry: The Magic Ring kung saan aatasan ng wizard na si Chip na bantayan? ni Tom ang isang mahiwagang singsing. Ngunit sa hindi inaasahang pagkakataon, makukuha ni Jerry ang singsing.

Anong mga kapilyuhan kaya ang gagawin ni Jerry gamit ang singsing? Mabawi kaya ito ni Tom bago bumalik si Chip?

Abangan sa Tom and Jerry, simula May 7, 8:00 am sa nag-iisang tahanan ng mga astig, ang GMA Astig Authority.