Epy Quizon at Candy Pangilinan, gaganap bilang Mr. & Mrs. Hinala
Published On: July 23, 2016, 12:00 AM
Updated On: March 01, 2020, 02:10 PM
Tama o maling hinala? Ito ang susubukang bigyang-linaw ni Leila Dilim, katauhan ni Eugene Domingo, sa kuwentuwaan ngayong Linggo, July 24, sa Dear Uge.
Dahil sa mga masamang karanasan noon ay naging suspetsoso ang mag-asawang sina Glenn at Lorie Sevilla na gagampanan nina Epy Quizon at Candy Pangilinan.
Ang tinaguriang Mr. & Mrs. Hinala, iba ulit ang pakiramdam tungkol sa kanilang kapit-bahay na si Mr. Juan na bibigyang-buhay ni Roi Vinzon. Mag-iiba ang pananaw ng mag-asawa dahil sa kabaitan at pagkagalanteng ipinapakita sa kanila nito.
Pero tama o mali nga kaya ang hinala nila? Alamin ‘yan ngayong Linggo, July 24, sa Dear Uge pagkatapos ng Sunday PinaSaya.