WATCH: 'Alyas Robin Hood,' may kakaibang ending ayon kay Dingdong Dantes
Huling linggo na ng top-rating primetime series na Alyas Robin Hood, kaya inaabangan na rin ng marami kung paano matatapos ang kuwento ni Pepe, na ginagampanan ni Kapuso Primetime King Dingdong Dantes.
READ: Dingdong Dantes, malaki ang pasasalamat sa mga tumutok sa 'Alyas Robin Hood'
Sa ulat ni Lhar Santiago sa 24 Oras, ikinuwento ni Dong na hindi daw pangkaraniwan ang magiging ending ng kanyang teleserye.
"Dito may kakaibang ending kami na ipapakita na dapat nilang abangan. I think hindi siya madalas ginagawa sa mga ganitong klaseng teleserye sa timeslot na 'to. We are offering something different this time, kaya abangan nila ang dulo."
May mensahe naman siya sa televiewers na nagmungkahing magkaroon ng Book 2 ang Alyas Robin Hood.
"Bakit naman hindi, 'di ba? The quest for justice ay hindi naman natatapos sa isang chapter lang. It's an ongoing struggle kaya maraming pupuwedeng puntahan 'yung storya ni Pepe, lalo na ngayon na naka-barong siya," pahayag niya.
Panoorin ang kabuuan ng interview dito:
MORE ON DINGDONG DANTES:
'Case Solved' pilot episode takes top spot on Twitter Philippines