Jake Zyrus, inaming nagpatanggal na ng dibdib at nagpapaturok ng testosterone

"Charice is gone."

Ito ang diretsahang sinabi ni Jake Zyrus nang makapanayam ni Aubrey Carampel para sa 24 Oras.

READ: Charice Pempengco is now Jake Zyrus

Dagdag pa niya, "What you're looking at right now is totally [different], and I do feel like a different person now."

Marami ang nagulat sa mga pagbabagong ginawa ni Jake sa kanyang sarili, kabilang na ang kanyang lola at ina.

Umaasa naman ang singer-songwriter na matatanggap ng kanyang mga mahal sa buhay ang kanyang desisyon. "I'm happy and proud of what my mom said. I know that it wasn't easy for her, but she still managed to really accept everything. So someday, I know that my grandma will come around."

Inamin naman ni Jake na bukod sa pagpapalit ng pangalan, nagpatanggal na rin siya ng dibdib at nagpapa-inject na ng male hormones. Ito ang dahilan ng kanyang pagkakaroon ng bigote at paglalim ng kanyang boses.

"No matter what people say, [I know who I am]. I know that I am a man so I'm going to be."

Naiisip din ba niyang sumailalim sa gender reassignment?

"It's part of the plan, but years from now. I'm not really rushing everything."