Magkapatid na Sanya Lopez at Jak Roberto, most promising stars sa 3rd Alta Media Icon Awards

Parehong kinilala ang magkapatid na sina Sanya Lopez at Jak Roberto sa 3rd Alta Media Icon Awards.
 
Pinangalanan si Sanya bilang Most Promising Female Star, at si Jak bilang Most Promising Male Star.
 
Kinilala rin ang ilan pang Kapuso personalities at programs ng parehong award-giving body.
 
Nagwagi si Jessica Soho bilang Best Magazine Show Host, at ang kanyang programang Kapuso Mo, Jessica Soho bilang Best TV Magazine Show. Tinanghal si Michael V bilang Best Comedy Actor for TV, at ang kanyang programang Pepito Manaloto bilang Best Comedy Program. Kinilala rin ang Encantadia bilang Best Primetime Drama Series.
 
Panalo si Kara David bilang Best Documentary Host para sa I-Witness, at si Vicky Morales bilang Best TV Public Service Program Host para sa Wish Ko Lang. Si Drew Arellano ang itinanghal bilang Best Travel Show Host, at ang kanyang programang Biyahe ni Drew bilang Best Travel Show. Wagi rin si Solenn Heussaff bilang Best Lifestyle Show Host para sa Taste Buddies, at ang Ang Pinaka bilang Best Lifestyle Program.
 
Si Lala Roque ay pinangalanang Best Female AM Radio Personality para sa Easy Easy Lang ng DZBB.
 
Ang Alta Media Icon Awards ay ang official award-giving body for excellence in Print, Broadcast, Film, Recording, and Social Media ng University of Perpetual Help. Ang awarding ceremony ay magaganap sa October 6, 2 P.M. sa Ernesto Palanca Crisostomo Hall, sa University of Perpetual Help System Dalta Las Piñas campus.