WATCH: Vaness del Moral, engaged na sa kanyang non-showbiz boyfriend

Nadagdagan ang listahan ng mga inaabangang celebrity weddings matapos aminin ni Kapuso actress Vaness del Moral na engaged na siya sa kanyang non-showbiz boyfriend.

Sa recent guesting ni Vaness sa Mars, napansin ng talk show hosts na sina Camille Prats at Suzi Abrera na mayroong tinatakpan ang aktres sa kanyang daliri. 'Di kalaunan ay ipinakita na rin ni Vanesss sa camera ang engagement ring na kanyang itinatago.

Photo by: Matt Kier (FB)

Ayon kay Vaness, nangyari ang proposal noong nasa Coron, Palawan sila ni Matt habang ipinagdiriwang niya ang kanyang kaarawan noong Mayo.

Lagpas dalawang taon nang magkarelasyon sina Vaness at Matt. Ang huling celebrity boyfriend ng aktres ay si Biboy Ramirez ngunit naghiwalay ang dalawa noong taong 2013.

Panoorin ang kabuuan ng Mars interview ni Vaness: