EXCLUSIVE: Chynna Ortaleza at Kean Cipriano, naglagay ng personal touch sa kanilang prenup video

Sa pinakaabangang prenup video nina Kean Cipriano at Chynna Ortaleza maipapakita na hindi lamang ang kanilang pagmamahal sa isa't-isa kung 'di pati na rin ang kanilang passion sa music at art.

Kuwento ni Kean sa exclusive interview with GMANetwork.com, "Ilang beses kaming nag-meeting kasi nga isang beses lang naman magagawa itong prenup eh."

Ang kanilang prenup pictures umano ay ipinakita lamang ang ilang bahagi ng mga dapat abangan sa prenup video. 

Ani Chynna, "The overall concept of the prenup will be revealed when you see the video kasi now you're just seeing snippets of what we did."

EXCLUSIVE: Chynna Ortaleza and Kean Cipriano reveal the theme of their upcoming wedding

Dahil malaking parte ang musika sa buhay nina Kean at Chynna, gumamit sila ng kanta na sila mismo ang sumulat.

"Good thing about it, kasi 'di ba usually 'yung prenup videos they use this whatever song they like? 'Yung sa amin kasi 'yung gagamitin namin na song sa prenup video namin is a song we wrote together," Saad ni Kean. 

Ngayong October 20 ay ilalabas nila ang kanilang prenup video. Ayon kay Chynna, "We're excited to share that with you."