WATCH: Sanya Lopez at Kim Domingo, may pasabog sa underwear fashion show sa November 18!

Gugulatin raw tayo ng ating Kapuso hotties sa upcoming underwear fashion show ng apparel brand na Bench para sa kanilang 30th anniversary. Titled “Under The Stars,” gaganapin ang show sa Mall of Asia Arena sa November 18 (Sabado).

Patikim pa lang raw ang ipinakita nina Kapuso stars Sanya Lopez at Kim Domingo sa preview party ng underwear show at dapat raw natin silang abangan sa runway.

“Siyempre, unang-una, ‘yung magiging look namin doon sa show. Abangan nila! Siyempre, mas pasabog iyon!” excited na ikinuwento ni Asia’s Fantasy sa panayam ni Lhar Santiago sa Balitanghali.

Sinigurado naman ni Sanya, “Siyempre, paghahandaan namin iyan. Siguro, more diet pa, lalo na sa akin.”

Tampok rin sa nasabing fashion show si Miss Universe Philippines 2016 Maxine Medina at ang ating Kapuso hunks na sina Kiko Estrada, Bruno Gabriel, David Licauco at Addy Raj.

“[It’s my] first endorsement so it’s a new experience. I’m excited!” bahagi ni Kiko. Proud Indian representative naman si Addy, “I’ve never seen this event before pero lahat ng narinig ko ay sobrang malakas ‘yung audience so I’m just really excited to be part of this.”

Video from GMA News