WATCH: Joey de Leon, wala ng planong magbida sa pelikula?

Sa press conference ng pelikulang Barbi D' Wonder Beki, inilahad ng Dabarkad na si Joey de Leon na kay Paolo Ballesteros talaga dapat ibigay ang papel na "Barbi."

Si Joey ang orihinal na Barbi ng pelikulang Pilipino. Aniya, "Kumpara roon sa Barbi ko e, mas maganda talaga siya".

Gagampanan niya ang karakter ni Bartolome, ang tumulong kay Barbi upang mag-disguise para matakasan ang mga humahabol sa kanya. Makakasama rin nina Joey at Paolo sa pelikula ang BiGuel.

Ayon sa komedyante, wala na raw siyang planong magbida sa pelikula kahit napakarami pa ring alok sa kanya. "Medyo nagpapahinga na ko e, napapagod ka na rin e. Tsaka parang masarap magbiyahe. Pero nagsusulat pa rin ako, okay na sa 'kin 'yung Eat Bulaga," paliwanag niya.

Masaya rin si Joey para sa Dabarkads niyang si Vic Sotto sa pagiging ama nito ulit matapos magsilang ng malusog na baby girl ang asawa nitong si Pauleen Luna.

Panuorin ang buong report ni Lhar Santiago sa 24 Oras: