WATCH: Kylie Padilla, naiyak nang magkita ang amang si Robin Padilla at si Baby Alas

Isang emosyonal na eksena ang naganap sa first birthday ng anak ni Robin at Mariel Padilla na si Isabelle last Saturday (November 18) sa The Blue Leaf (Taguig City). Nangyari na rin kasi sa wakas ang pinaka hihintay ni Kylie Padilla, ang magkita at magkakilala ang anak nyang si Baby Alas at ang lolo nitong si Robin. 

Sa video, makikitang excited na kinarga ni Robin ang kanyang apo, habang si Kylie naman ay naluha habang pinapanood ang kanyang ama at anak. 

"Purihin ang nag iisang Panginoong Maylikha !!! Walang pinakamasaya sa isang lolo kundi ang mayakap at mabuhat ang isa sa unang apo" ayon sa caption ni Robin Padilla. 

Nagpasalamat din ang aktor kay Kylie at sa misis niyang si Mariel sa pagkakataong ito.

"Maraming salamat sa iyo mahal kong anak na @kylienicolepadilla sa pagdala kay ALAS sa akin Alhamdulillah ganon din sa iyo @marieltpadilla wala ng hihigit pang kaligayahan sa araw na ito. Pagpupugay sa lahat ng mga kumilos para maging matagumpay ang pagkikita na ito."