LOOK: Kris Aquino unearths old and sentimental photo with Herbert Bautista

Isang lumang litrato ang natagpuan ni Queen of All Media Kris Aquino sa kanyang cellphone.

Sentimental ang naging mood ng host-actress kaya ibinahagi agad niya ito sa kanyang Instagram account. 

Litrato niya ito sa harap ng Basilica of St. Francis in Assisi habang pabirong pino-photobomb ni Quezon City Mayor Herbert Bautista. 

"I’m sharing this picture now because Mayor Herbert & i have a weird & special friendship & this 1 picture represents to me perfectly who & what we are to each other," sulat ni Kris bilang bahagi ng kanyang caption.

Bukod dito, binalikan din ni Kris ang pagbisita nila sa iba't ibang mga simbahan at kapilya sa Rome. 

"He took that free day from the 2017 peace talks to give in to my wish to really pray in as many Churches as possible," bahagi niya. 

Nasa Rome noon si Mayor Hebert bilang bahagi ng panel sa third round ng peace talks sa pagitan ng gobyerno at ng National Democratic Front of the Philippines. 

Pinasalamatan naman daw niya ang mayor dahil kasama niya ito sa panahon ng kanyang pangangailangan. 

"I texted him last night to share good news about new endorsements. And I THANKED HIM- because he prayed w/ me when my 1 prayer was to just be given a chance to say goodbye properly to a career i loved passionately & for God to heal me w/ the gift of becoming OKAY again," sulat ni Kris.

Matatandaang 2014 nang naging magkarelasyon ang dalawa pero naghiwalay rin. Nananatili namang magkaibigan sina Kris at Mayor Herbert at nakukuha pang magbiro tungkol sa naudlot nilang romansa.