Lolit Solis, nabiktima raw ng isang travel agent

Papunta sana ng South Korea ang veteran entertainment columnist na si Lolit Solis, kasama ang kanyang mga kaibigan din sa industriya na sina Rose Garcia, Levinia Vivar Pabalan, at Salve Asis. Ngunit ang dream Korean getaway ay muntik na nga raw maging "horror" dahil sa isang travel agent.

Kuwento ni Manay, "First time ko maka-encounter ng isang unprofessional travel agent in the person of Imee Oro." Paliwanag niya, "Pagdating mo sa airport hindi kayo naka booked at wala kayo sa passenger list. At malaman mo pa na habang nasa eroplano kayo, saka lang binabayaran iyon hotel na titirahan ninyo na supposedly bayad na."

Dagdag pa ni Manay, "Pero ang mahirap hindi siya upfront sa dealing niya, wala pa akong na-encounter na isang travel agent na gumagawa ng sarili niyang istorya , and hindi ba ang isang travel agent dapat may word of honor dahil mostly sa honor system dumedepende ang business mo. Horror talaga ang naging experience ko kay Imee Oro at sa Las Vegas travel and tours , hindi ko pa na-encounter ang ganun klase ng treatment sa buong panahon na nagtra-travel ako."

Buti na nga lang daw at marami rin ang tumulong sa kanila. Aniya, " At dito ko lalong hinangaan ang pagiging cool ni Salve , all through out the ordeal kalmante siya, ginamit niya ang credit card niya para bayaran ang tiket sa counter dahil ayaw niyang mabigo si Vinia at Rose sa kanilang Seoul dream. Mabuti na lang at nandun si Lynette na binantayan ang booking sa Crown Itaewon , at ang height, si Marian Rivera na nagsabing huwag kaming ma-sad kahit siya na ang magbayad ng tiket namin. At si Alfred Vargas na nag-promise na tutulungan kami sa kaso namin kay Imee. Can you imagine , hiyain mo kaming apat sa airport na wala pala kaming booking , crazy. Sabi nga Sarah Duterte , you messed with the wrong woman , hay grabe , horror talaga."

Sa huli ay naging okay din naman ang trip nila dahil sa pagtutulungan ng apat, at ng kani-kanilang showbiz friends. Aniya, "Heto nga, mabuti na lang may credit card si Salve kung hindi kawawa kaming apat sa Seoul nila Vinia at Rose. Isa pang saviour si Lynette dahil nanduon din para alagaan kami , hay naku nightmare siya talaga, bad dream."

(Bukas ang GMANetwork.com sa panig ni Ms. Imee Oro kung gusto niyang magbigay ng pahayag sa nasabing issue. )