WATCH: Karen Gillan na gumaganap bilang Nebula sa 'Avengers: Infinity War,' may mensahe sa Pinoy fans

Kasama ang karakter ni Hollywood star Karen Gillan na si Nebula na mula sa Guardians of the Galaxy sa pinakabagong Marvel movie na Avengers: Infinity War.

Talagang excited ang Scottish actress na mapasama sa cast ng 2018 AmeriScan superhero film dahil tagahanga raw siya ng mga artista na gumaganap sa pelikula.

“I was just consistently fangirling. There was no relief from it or whatsoever. We were looking around, and the people you’ve grown up watching movies and these new exciting actors all just congregating. It was everywhere you looked was another superhero movie star,” kuwento ni Karen kay Kapuso TV host Lyn Ching sa one-on-one interview nito para sa Balitanghali.

Matatandaang dinagsa ng mga tao mula sa iba’t ibang parte ng mundo ang “purple carpet” event ng 2018 Marvel franchise sa Singapore na dinaluhan nina Kapuso stars Michael V, Mikael Daez, Joyce Pring at Jasmine Curtis Smith.

May espesyal na mensahe si Karen para sa mga Pinoy fans na tumatangkilik ng kanilang palabas, “Thank you so much for following my character and the Marvel movies. I really hope you enjoy Avengers: Infinity War. It’s [going to] be epic, the battles of all battles so enjoy. Mahal ko kayo!”

Palabas na bukas (April 25) dito sa Pilipinas ang Avengers: Infinity War.