WATCH: Dennis Trillo, Migo Adecer, Solenn Heussaff at Tetay, magpapasaya sa mga Kapuso sa Dubai sa May 3

Makiki-advance celebration ng Independence Day sa United Arab Emirates ang Kapuso stars na sina Dennis Trillo, Solenn Heussaff, Migo Adecer at Tetay.

Marami raw silang inihandang performances para sa mga Kapuso doon sa kanilang show na handog ng GMA Pinoy TV na magaganap ngayong May 3 sa Dubai.

Si Solenn, handa na rumampa suot ang kaniyang outfit na gawa ng Filipino designer galing Dubai. “Excited ako kasi ‘yung suot ko doon is from a Filipino designer based in Dubai, for sure maganda at makintab ‘yun."

Manghaharana raw si Migo sa OFW fans na malalayo sa pamilya. “May isang song ako na puwede akong mag-serenade sa mga tao, at may upbeat song din para sobrang masaya sila sa concert."

Sagot naman daw ni Tetay ang tawanan “Siyempre, we’ll bring so much fun, sobrang katatawanan para sa mga Kapuso natin abroad. They deserve it naman.”

Pagkakataon din ito ng mga Kapuso stars at mga Kapuso fans sa Dubai na makita upclose and personal. “Siyempre naman may meet-and-greet din kami after para we can get to know them a little bit more.”

Dahil first time ni Migo makakapunta sa Dubai, looking forward daw siya sa pamamasyal at pati sa pag-try ng belly dancing. “I’m gonna check out, something we call the Desert Safari daw at kung puwede lang mag-try kami ni Solenn ng belly dancing.”

Panoorin ang buong report sa 24 Oras.