Maricel Soriano, balik-pelikula sa 'My 2 Mommies'

Matapos magpahinga sa paggawa ng sine, balik-pelikula si Maricel Soriano sa Mother’s Day offering ng Regal Films na My 2 Mommies. Ano ba ang dapat abangan sa nag-iisang Diamond Star?

Isa si Maricel sa mga original Regal babies at talagang marami ang nananabik ngayong mapapanood na siya muli sa pinilakang tabing. Diin ni Direk Eric Quizon, muling masasaksihan nga mga manonood ang kanilang na-miss mula sa Diamond Star.

Kuwento ng My 2 Mommies director, “Tinanong ako about Maricel. Sabi sa akin, ‘Anong kakaiba na ibinigay ni Maricel dito?’ Sabi ko, ‘Wala siyang kakaibang ibinigay dito.’ People miss her, people want to see the old Maricel… “Yung ikaw lang, as in ‘yung ikaw,’ and that’s what she did.”

Sang-ayon naman si Paolo Ballesteros sa pagiging natural ni Maricel.

Sambit niya, “Kung ano siya, ‘yun ‘yung pinakita niya. Wala siyang iniba kaya very effective kasi kumbaga parang mapapa-reminisce ka sa mga napanood mo sa kanya before, ‘yung mga comedy. ‘Hala, pinapanood ko lang ‘to, ngayon katrabaho ko na.’ Ganun pa rin ‘yung ginagawa niya, nakakatawa talaga.”